कैलालीको मोहन्याल गाउँपालिका—३ सल्लेरी गाउँमा रहेको राष्ट्रिय आधारभूत बिधालयका शिक्षक भक्तबहादुर थापा व्यावसायिक कुरिलो खेतीमा लागेका छन्

शिक्षण पेसासँगै गाउँमै व्यावसाहिक कुरिलो खेती थालेका हुन् । गाउँ नजिकको विद्यालयमा शिक्षण पेसामा रहेका शिक्षक थापाले  मोहन्याल ३ कै भत्कुरीमा रहेको आफ्नो एक बिगाहा जग्गामा  व्यावसायिक कुरिलो खेती गरेका हुन् । निकट भविष्यमा अनार,सुन्तला,अमिलो,नास्पती,आँप ,लिचि कागतीलगायत अन्य फलफूलसहित तरकारी खेती तथा बाख्रापालनको योजना रहेको बताए।

दिनभर विद्यालयमा व्यस्त थापा फुर्सदको समयमा शनिबार र विद्यालय पछिको फुर्सदको समय व्यवसायीक कुरिलो खेतिको गोडमेल र मलजलमा समय दिने गरेको बताए ।विद्यालयको फुर्सदको समयमा मात्र यो व्यवसायमा संलग्न भएको र अन्य समयमा गोडमेलका काम परिवारले गर्ने गरेको उनले बताए। गाउँपालिकालगायत अन्य सरोकारवाल निकायले सहयोग गरे आफूजस्तै गाउँका अन्य कृषकहरूलाई पनि यो व्यवसायमा संलग्न गराउने सोच बनाएको उनले बताए ।