महानन्द ढकाल लिखित उपन्यास बुह्रान शनिबार बाँकेको कोहलपुरमा विमोचन गरिएको छ । कथाकार तथ प्राज्ञ सनत रेग्मीले सो उपन्यास विमोचन गरेका हुन् ।

भेरी साहित्य समाजका अध्यक्ष हरि प्रसाद तिमिल्सिना,  अवधि साहित्यकार बिष्णुलाल कुमाल, कोहलपुर नगरपालिकाका नगर प्रमुख पूर्णप्रसाद आचार्य, उप प्रमुख संगिता सुबेदी लगायत बुह्रानबारे चर्चा गरे । साहित्यकार महानन्द ढकालले आफ्नो छैठौं साहित्यिक कृतिका रुपमा बुह्रान उपन्यासलाई बजारमा ल्याएका हुन। थारू संस्कार र संस्कृतिसङ्ग नजिकको सम्बन्ध राख्ने बुह्रान उपन्यासको आवरण देवेन्द्र थुम्केलीले बनाएका हुन् ।

बुह्रान क्षेत्रमा बस्ने गरीव थारू तथा पहाडी समुदायको आपसी सम्बन्ध तथा सहकार्यलाई मुख्य विषयवस्तु बनाएर लेखिएको उपन्यासलाई साङ्ग्रिला बुक्सले बजारमा ल्याएको हो । बुह्रान यसअघि नै बजारमा गइसकेको भए पनि आधिकारिक रुपमा आज बिमोचन गरिएको हो ।

कृति विमोचन समारोहमै तुलसिराम स्मृति पुरस्कार यस वर्ष सहित्यकार डा इन्द्र भण्डारीलाई प्रदान गरिएको छ । स्व तुल्सिराम ढकालको स्मृतिमा राखिएको अक्षय कोषबाट यस वर्ष सात हजार सात सय सतहत्तर रुपैयाँ र कदरपत्र भण्डारीलाई प्राज्ञ सनत रेग्मी र अक्षयकोषका संरक्षक पबित्रा ढकालले संयुक्त रुपमा बितरण गरका हुन् ।