कञ्चनपुरमा थप ६ जना कोरोना संक्रमितको मृत्यु
कञ्चनपुरमा थप ६ जना कोरोना संक्रमितको मृत्यु भएको छ ।
पछिल्लो २४ घण्टामा महाकाली अस्पतालमा उपचारत ६ जना कोरोना संक्रमितको मृत्यु भएको हो ।
कञ्चनपुरको भीमदत्त नगरपालिका-६ का ५० वर्षीय पुरुष, भीमदत्त नगरपालिका-७ का ७८ वर्षीया महिला, बेदकोट नगरपालीका-७ का ८५ वर्षीय पुरुष, शुक्लाफाँटा-१ का ५८ वर्षीय पुरुष, पुनर्वास-६ का ३६ वर्षीय पुरुष र दोधारा चाँदनी-७ का ६५ वर्षीया महिलाको मृत्यु भएको महाकाली अस्पतालले जनाएको छ।
योसँगै कञ्चनपुरमा कोरोना संक्रमणबाट मृत्यु हुनेको संख्या ११५ पुगेको छ ।
